“Xaşuri İveriya” klubunun futbolçusu Sandro Xaçidze Gürcüstanın ikinci liqasının oyununda dava düşdükdən və başından butulka zərbəsi aldıqdan sonra xəstəxanaya yerləşdirilib.
Hadisə Xaşuri şəhərində yerli “Qldani” komandası ilə oyun zamanı baş verib. Görüşün sonunda oyunçular arasında münaqişə yaranıb. Bu zaman meydançaya şüşə butulka atılıb. Qonaqların qapıçısı onu meydandan kənara atmaq istəyib, ancaq cəhdi uğursuz olub və əşya 17 yaşlı Xaçidzenin başına dəyib.
Nəticədə azarkeşlər meydançaya tökülüşüblər, kütləvi dava başlayıb.
Zərərçəkən Qoridəki “Qormedi” xəstəxanasına çatdırılıb. Həkimlər onun vəziyyətinin stabil olduğunu bildiriblər.
Mənbə: RBK
