Azərbaycanın FIFA referisi Əliyar Ağayev növbəti təyinatını alıb.
AFFA-nın mətbuat xidmətinə istinadən xəbər veririk ki, UEFA Millətlər Liqasının qrup mərhələsinin I turu çərçivəsində keçiriləcək Kosovo – Rumıniya qarşılaşmasının baş hakimi olacaq.
Ona Zeynal Zeynalov və Akif Əmirəli kömək edəcəklər. Dördüncü hakim funksiyasını İnqilab Məmmədov yerinə yetirəcək.
Qeyd edək ki, sentyabrın 6-da Priştina şəhərində yerləşən "Stadiumi Fadil Vokrri”də keçiriləcək görüş Bakı vaxtı ilə saat 22:45-də başlayacaq.
