Dövlət Təhlükəsizliyi Xidməti (DTX) Bakıda genişmiqyaslı əməliyyat keçirib.
Bakupost.az xəbər verir ki, dövlət qurumlarından birində baş tutan əməliyyatda xeyli vəzifəli şəxs saxlanılıb.
Onlar arasında general rütbəli şəxslərin olduğu da deyilir.
Əməliyyatın təfərrüatı barədə yaxın saatlarda rəsmi açıqlamanın veriləcəyi gözlənilir.
Dövlət Təhlükəsizlik Xidmətinin Bakıda genişmiqyaslı əməliyyat keçirdiyi və yüksək vəzifəli şəxslərin saxlanıldığı haqda məlumat yayılıb.
MillətinSəsi.info xəbər verir ki, Trend-in əldə etdiyi məlumata grə, əməliyyat Dövlət Gömrük Komitəsinin Abşeron və İpək Yolu postlarında həyata keçirilib.
Qeyd edək ki, Bakı Baş Gömrük İdarəsinin “Abşeron” Gömrük Postunun rəisi vəzifəsinə bu ilin yanvar ayında Bəhruz Hüseyn oğlu Əsgərli təyin edilib. O, bu təyinata qədər “Abşeron” gömrük postunda rəsi müavini vəzifəsini tutub.
Dövlət Gömrük Komitəsi sədrinin eyni gündə verdiyi əmrlə Bakı Baş Gömrük İdarəsinin “Abşeron” Gömrük Postunun rəisi Muxtar Fazil oğlu Şükürov isə vəzifəsindən azad edilərək, Gömrük Komitəsi katibliyinin rəisi təyin edilib.
Onu da xatırladaq ki, ötən ilin may ayında Baş prokuror yanında Korrupsiyaya qarşı Mübarizə Baş İdarəsi (KQMBİ) də “İpək Yolu” gömrük postunda əməliyyat aparmış və orada inspektor işləyən Mirağa Ağayevi həbs etmişdi.
