Müğənni Beyons ötən yay “Renaissance” albomunun işıq üzü görməsilə əlaqədar eyniadlı dünya turnesinə çıxacağını açıqlayıb.
Müvafiq bəyanatı sənətçi öz “Instagram” səhifəsində dərc edib.
Məlumata görə, mayın 10-dan sentyabrın 27-dək davam edəcək qastrol səfəri çərçivəsində müğənni İsveç, Böyük Britaniya, Fransa, İspaniya, Almaniya, Niderland, Polşa və ABŞ-nin bir sıra şəhərlərinə səfər edəcək.
Qeyd edək ki, ifaçı sonuncu dəfə 2016-cı ildə altıncı studiya albomu “Lemonade”ə dəstək olaraq dünya turnesinə çıxıb.
Xatırladaq ki, Beyons 41 yaşındadır və qadınlar arasında ən çox “Qremmi” mükafatı alan sənət adamıdır.
