Türkiyənin müdafiə naziri Hulusi Akar İran sərhədi yaxınlığında keçirilən “Qardaş yumruğu” Azərbaycan-Türkiyə birgə hərbi təlimlərinin iştirakçıları qarşısında çıxışı zamanı bildirib ki, Azərbaycana qarşı istənilən təhlükə haradan gəlməsindən asılı olmayaraq, Türkiyəyə təhlükə kimi qiymətləndiriləcək.
Türkiyə Prezidenti Rəcəb Tayyib Ərdoğan Azərbaycanla Türkiyənin birgə hərbi təliminin iştirakçılarına müraciətində deyib ki, Bu güc gələcək əməliyyatlarda da sizin ən mühüm dinamizminiz olacaq. Türkiyə və Azərbaycan bu təlimlərlə həmrəylik və əməkdaşlıqlarını gələcək üçün daha güclü şəkildə davam etdirəcəklər.
“Türkiyə olaraq biz bütün azərbaycanlı qardaşlarımızı çox sevirik. Biz ət və sümük kimiyik. Allahın izni ilə bizi heç kim bir-birimizdən ayıra bilməz, ayırmayacaq. Qardaşım İlham Əliyevi göstərdiyi qardaşlıq və sevgiyə görə ürəkdən təbrik edir, gözlərinizdən öpürəm. Sağ olun, var olun”, – deyə Türkiyə prezidenti bildirib.
