Azərbaycan Respublikasının Prezidenti İlham Əliyevin martın 9-da qəbul etdiyi Böyük Britaniya baş nazirinin Azərbaycan üzrə ticarət elçisi xanım Baronessa Emma Nikolson görüşlə bağlı təəssüratlarını bölüşüb.
Bu barədə E.Nikolson “Twitter” hesabında paylaşım edib.
“Bu gün Azərbaycan Prezidenti İlham Əliyevlə əla görüş oldu. Böyük Britaniya iqtisadiyyatını şaxələndirmək və bərpa olunan enerjiyə keçid üçün Azərbaycanı dəstəkləyir. Geri qaytarılan ərazilərin böyük potensialı var. Böyük Britaniya şirkətlərinin artıq onların yenidən qurulmasında iştirak etməsi çox yaxşıdır, daha çoxunu görməyə ümid edirik”, - deyə o bildirib.
