“Əziz dostumuz Azərbaycanla qardaşlığımız bir yumruq, bir ürək kimi davam edəcək. Azərbaycan tək deyil. Möhtərəm Prezidentlərimizin (Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan – Red.) çəkdiyi çərçivədə biz Azərbaycan Ordusunun modernləşdirilməsi, təlimi və təchizatı üzərində işləyirik”.
“Report” xəbər verir ki, bu barədə Türkiyənin müdafiə naziri Hulusi Akar bildirib.
Onun sözlərinə görə, Zəngəzur dəhlizi və ondan keçəcək dəmir və avtomobil yolları region üçün iqtisadi, sosial həyat və təhlükəsizlik baxımından çox dəyərlidir:
“Ermənistan tərəfindən, Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğanın uzatdığı sülh əlini tutmaq vacibdir. Başqalarından təsirlənərək xəyal qurmağın mənası yoxdur. Gəlin, faktlara baxaq. Ağılabatan şərtlərlə müqavilə bağlayaq, sülhü, sabitliyi təmin edək, rahat, dinc yaşayaq. Biz Ermənistanın bu fürsətdən istifadə etməsini istəyirik.
Ermənistan İlham Əliyevin və prezidentimizin ona uzatdığı sülh əlini sıxmalıdır. Xarici qüvvələrin təsiri altında xəyalların qucağına düşdülər, amma bu, məntiqli yanaşma deyil. Biz Ermənistanın fürsətdən yararlanmasını istəyirik”, - deyə Hulusi Akar bildirib.
Nazir qeyd edib ki, Zəngəzur dəhlizi və ondan keçən dəmir və avtomobil yolları regionun iqtisadi, sosial həyatı və təhlükəsizliyi baxımından çox dəyərlidir. O, həmçinin əlavə edib ki, Azərbaycanla bir yumruq, bir ürək olmaqda davam edirlər.
