Almaz Ələsgərli İsveçdə GÖRÜNTÜLƏNDİ - VİDEO

Efirlərdən ilim-ilim itən Əməkdar artist Almaz Ələsgərli İsveç hava limanında görüntülənib.

Bizim.Media xəbər verir ki, sənətçini videoya bloqer Şəfəq Məmmədova (Wefegm) lentə alaraq, sosial şəbəkə hesabında izləyiciləri ilə bölüşüb.

Şəfəq Almazı qucaqlayaraq "Qadasın mən alım" mahnısını səsləndirib. Müğənni isə bloqerin ifasına "Məndən yaxşı oxuyur" deyərək, fikrini bildirib.

Qeyd edək ki, Almaz Ələsgərlinin qızı Mədinə İsveçdə yaşayır. O, ikinci dəfə ailə həyatı qurub. Müğənninin digər qızı Əminənin isə bir övladı var. Almaz aylar əvvəl Bakıda yaxınlarını bir araya toplayaraq restoranların birində doğum günü məclisi keçirib.