Hollivud ulduzu Tom Kruz karyerası ərzində ən təhlükəli fəndi barədə danışıb. Onun sözlərinə görə, tamaşaçılar bunu “Missiya: Mümkünsüz - Ölümcül hesablaşma. Birinci hissə” (“Mission: Impossible – Dead Reckoning Part One”) filmində görə biləcəklər.
60 yaşlı amerikalı aktyor bunun üçün hündürlükdən motosikllə tullanışının necə həyata keçirildiyini göstərib.
“Bu, indiyə qədər etdiyimiz ən təhlükəli şeydir. Biz fəndi Norveçdə çəkəcəyik və bu, motosikletin uçurumdan tullanması olacaq”, - deyə aktyor videoda bildirib.
Kruzun fəndlər üzrə koordinatoru Ueyd İstvud aktyorun təhlükəli hərəkətə hazırlaşmaq üçün ilboyu mükəmməl təlim keçdiyini bildirib.
Qeyd edək ki, ulduz aktyor fəndlərin çoxunu özü həyata keçirməyə çalışır.
It is time to pick a side. Watch the official teaser trailer for #MissionImpossible – Dead Reckoning Part One starring @TomCruise. Coming to theatres 2023. pic.twitter.com/fCq1ywYa5i
— Mission: Impossible (@MissionFilm) May 23, 2022
Mənbə: Gazeta.ru
